Gauan zehar eta aterpe barnean izan arren haizea bortizki entzuten zen eta euria ere dezente egin du, goiza berdin hasi da, negu gorria gaudela dirudi; gero aterpeko zaindari batek bertan jada udazkena zela erran zidan, eta noski Islandiako mendialdeko udazkena ez da hemengo udazkena; sorte izan zen aterpean lekua lortu izana.
Gaua gogorra izan da, euri dezente egin du eta gainera haize asko ere ba zegoen, hau dela eta azkenean hezetasuna denda barnera sartu da esnatzerakoan euria egiten jarraitzen du, lasaitasunez hartzen dut, egun luzea eta etapa motza dira eta. Atertzen den une batean denda biltzen dut ziztu bizian, eta dena prest dudanean Álftavatnruntz abiatzen naiz.
Reikiavikeko BSI autobus konpainiaren bus geltokian goizeko 8etan 4×4 autobusa hartu nuen eta 12:30ak aldera Landmannalaugarera iritsi nintzen, bertan informazioa lortu eta ateratzeko prest nintzenean euria hasi zen, beraz eta babeslekua lortu ondoren bazkaltzeko zerbait prestatu nuen ea atertzen zuen espero egiten nuen bitartean.
Hurrengo egunetan abuztuan, Islandiaren hegoaldeko mendialdean, Landmannalaugar eta Þórsmörk artean Laugavegur zeharkaldia osatzen dituen 4 etapen inguruan irakurri zein argazkiak ikusi ahal izanen duzue.
Hemendik Harat 